E' necessario scaricare l'ultima versione di windows media player

Trapani - Chiesa S.Alberto - 19 ottobre 2008

" In memoria sua...- musica e poesia per ricordare Nino Barone Junior "

" La strata di me nonna" -  Nino Barone

 

E' necessario scaricare l'ultima versione di windows media player

         

           

 

Dedicata a Nonna Margherita

 

Mi veni, spissuliuddu, nta la menti

la strata dunni stava ‘a nonna mia,

ricordu ddi jurnati, ddi mumenti,

di quannu, nicu, mi ci divirtìa.

Nun c’era picciriddu cchiù cuntenti

appressu a ddu palluni, chi currìa;

na porta a muru, fatta malamenti,

jucari ddocu quantu mi piacìa.

 

Mi grapu l’occhi, tuttu è stracanciatu

e nta sta strata nuddu cchiù vucìa,

c’è sulu stu silenziu scunfinatu

chi t’accuppuna, quasi, tutta ‘a via.

Nun sentu cchiù dda vuci, lu so ciatu,

di dda me nonna quannu mi dicìa:

“Ninuzzu beddu ancora ‘un àj stancatu”

e lesta lesta, poi, si ni trasìa.

 

Dunn’è dda porta disignata a muru?

Li botti d’’u palluni chi sbattìa?

Mi mancanu, pi junta, vi lu giuru,

ddi duci laminteli di me zia.

E quannu ‘u jornu dava largu ô scuru

ci cunsignava ô suli st’alligrìa

e iddu mi cantava: “sta sicuru,

dumani, Ninu, sugnu arrè cu tia!”

 

Nino Barone

 

 

 

© www.processionemisteritp.it  -  www.arresto.it

 

IN MEMORIA SUA - MUSICA E POESIA PER RICORDARE NINO BARONE JR