E' necessario scaricare l'ultima versione di windows media player

Trapani - Chiesa S.Alberto - 19 ottobre 2008

" In memoria sua...- musica e poesia per ricordare Nino Barone Junior "

" Picchì "  - Nino Barone

 

E' necessario scaricare l'ultima versione di windows media player

         

           

(dedicata a Nino Barone jr scomparso prematuramente all’età di 33 anni. Nel mio cuore per sempre)

Picchì lu Patri Eternu a un certu puntu

decidi di truncari ‘n’esistenza?

Quali prugettu c’è, qual è lu spuntu

chi ‘u porta a dari peni e suffirenza?

 

Picchì pigghiari, d’accussì, di bottu,

na vita a centru di lu so splinnuri

e li spiranzi, ‘i sonni d’un picciottu?

Unu di centu, milli cugninturi?

 

Picchì livari, poi, a na picciridda

l’amuri di so patri, lu cchiù raru?

Quali palori diri, quali stidda

po cancillari stu vuccuni amaru?

 

Picchì? Mi lu dumannu di cuntinu

ma nuddu chi mi pasci na risposta;

comu accittari, allura, stu distinu

e comu supirari la batosta?

 

E stentu di capiri siddu ‘a vita

è veru stu gran donu chi si dici

o sulu na disgrazia, ‘a cchiù ‘nfinita,

chi â un certu puntu voli soccu fici!

 

Cu’ nasci mori, chistu è naturali,

ma mòriri picciottu su’ traggeri;

cu’ si ni va, si ni jiu! Lu veru mali

lu senti cu’ è ch’arresta ancora ‘n peri!

 

E mentri chianciu p’’u duluri ‘ntenzu

cercu ‘n appigghiu pi riparu, ‘n portu;

nta li ricordi, è ddocu chi ti penzu,

ma sunnu muddicheddi di cunortu!

 

Nino Barone - Trapani, 30 luglio 2008

 

© www.processionemisteritp.it  -  www.arresto.it

 

IN MEMORIA SUA - MUSICA E POESIA PER RICORDARE NINO BARONE JR